مرحبا

aboabdoblog — Sat, 07 May 2011 06:33:21 +0000

اليوم بآخر سهرتي الصباحية طنت ببالي شغلة التدوين وقلت لحالي بدي أبلش أدوّن يعني مع انو هلأ الساعة تسعة ونص الصبح وانا لسا ما نمت من ورا راس فنجان القهوة يلي شربتو ع طريق المحلق قلت لحالي صار لازم اعمل مدونة مختصة بالشأن الحلبي يعني انطلاقاً من مسؤوليتي كمواطن حلبي وابن مدينة حلب

بس بئا رح احكيلكن شغلة,,, يعني رح ادون ع كيفي متل انا بحب احكي, يعني اذا طلع شوية حكي كبير تبئا استحملوه ولو كان كلام شوارع لانو انا بالاخير عمبمثل جزء من الشارع الحلبي

ومن شان شغلة السياسة انا ما رح احكي بالسياسة أبداً لسبب وجيه وهو انو انا بخاف من المخابرات.

رح ضل بس احكي عن حلب وعن الناس العايشة بحلب وعن كل المواقف يلي بتصير معي بشكل يومي وهي طبعاً ما رح تكون غريبة عليكن بس رح اطرحها ونتنائش فيها

ان شاء الله رح ننبسط مع بعض

أبو عبدو